உலக நீதி

**சிவா** · **சிவா** Wed May 26, 2010 12:01 pm

ஓதாமல் ஒரு நாளும் இருக்க வேண்டாம்.

ஒருவரையும் பொல்லாங்கு சொல்ல வேண்டாம்.

மாதாவை ஒரு நாளும் மறக்க வேண்டாம்.

மதியாதார் தலைவாசல் மிதிக்க வேண்டாம்.

போகாத இடம்தனில் போக வேண்டாம்.

போகவிட்டு, புறஞ்சொல்லித் திரிய வேண்டாம்.

நெஞ்சாரப் பொய்தன்னைச் சொல்ல வேண்டாம்.

அஞ்சாமல் தனிவழியே நடக்க வேண்டாம்.

அடுத்தவரை ஒரு நாளும் கெடுக்க வேண்டாம்.

மனம் போன போக்கெல்லாம் போக வேண்டாம்.

தருமத்தை ஒரு நாளும் மறக்க வேண்டாம்.

குற்றம் ஒன்றும் பாராட்டித் திரிய வேண்டாம்.

கற்றவரை ஒரு நாளும் பழிக்க வேண்டாம்.

கருதாமல் கருமங்கள் முடிக்க வேண்டாம்.

செய்த நன்றி ஒரு நாளும் மறக்க வேண்டாம்.