வசந்தா எனும் தெய்வம்

**M.M.SENTHIL** · **M.M.SENTHIL** Tue Aug 25, 2015 7:25 pm

வசந்தா,
ஈரைந்து மாதங்கள்
என்னை இருட்டறைக்குள் வைத்து
பக்குவமாய் பாதுகாத்தவள்!

வசந்தா,
இழப்பதற்கு ஒன்றுமில்லை
என்ற நிலை ஒருநாள் வரலாம்,
அந்த நாளில் இருந்து
உழைப்பதற்கு திறமிருக்கு
என்று நீ நாட்களை தொடங்கு
என்று எனக்கு உபதேசித்தவள்!!

வசந்தா,
புகழ்ச்சிக்கு மயங்கிவிடாதே
வாழ்வில் நீ தோற்று விடுவாய்,
குற்றம் சொன்னால் கோபப்படாதே
அப்போதும் தோற்றுவிடுவாய்,
நீ நீயாக இரு - எப்போதும்
ஜெயிக்கலாம் என்று
சொன்ன தெய்வமவள்!!

கருவாய் இருந்த என்னை உருவாக்கி
புவியில் நடமாடவிட்ட என்
வசந்தா எனும் தெய்வம்
நிரந்தரமாய் துயில் கொண்டு
ஆகின்றன இன்றோடு பன்னிரெண்டு ஆண்டுகள்!!

அம்மா,
நீ என்னுடன் நடமாடவில்லை
ஆனாலும் - நீ
என்னுடனேயே இருக்கிறாய் !!

(ஆறாயிரமாவது பதிவு என் அன்னைக்கு அமைந்ததும் வசந்தா எனும் தெய்வம்தான் காரணமோ?)